Comezan as visitas aos centros
Os especialistas de Voz Natura, con José Antonio Díaz Núñez á fronte, comezaron a súa primeira viaxe por Galicia. Visitarán todos e cada un dos centros participantes este curso para ofrecerlles o seu asesoramento no desenvolvemento dos traballos ambientais.
Durante máis de dous meses e con miles de quilómetros por diante, o Comité coñecerá de primeira man as actividades que profesores e alumnos teñen previstas para este curso e dará as orientacións oportunas para que os traballos se desenvolvan co máximo rigor e respecto aos ecosistemas. Será o momento de expor dúbidas, suxestións, observacións...
Formes parte ou non da comunidade Voz Natura, os nosos expertos están á túa disposición aquí.