Voz Natura en Facebook
Voz Natura acaba de sumarse a Facebook abrindo unha páxina que poderá ser consultada por todo o que queira saber máis sobre o programa ou simplemente teña inquietudes ambientais.
Dentro deste novo soporte incluiranse imaxes das actividades, noticias, seguimento dos proxectos que desenvolven ao longo do curso todos os centros participantes e do Comité Científico durante as súas visitas, así como as últimas novidades do programa.
Con esta rede social, que conecta amigos en todo o mundo, Voz Natura espera poder estender a súa mensaxe de respecto, recuperación e coidado da contorna, por todos os recunchos.
Os que queiran consultar a páxina poderán atopala escribindo "Facebook Voz Natura" no seu buscador habitual ou "Voz Natura" a través da súa conta de Facebook.