O Comité Científico inicia as súas visitas aos centros participantes na presente edición Voz Natura
O Comité, composto por destacados profesionais do mundo da ciencia, a educación e a comunicación, inicia o seu percorrido co obxecto de axudar tecnicamente e asesorar aos docentes implicados no Programa.
Os primeiros en recibir as visitas dos nosos expertos serán os centros educativos da provincia de Ourense e máis tarde, serán os participantes da provincia de Lugo os que poderán consultar todas as súas dúbidas e beneficiarse dos consellos e a experiencia dos especialistas de Voz Natura. Aos participantes das provincias de Pontevedra e A Coruña tocaralles máis adiante.
Neste primeiro encontro, profesores e alumnos explicarán detalladamente os seus proxectos de mellora e coidado da contorna, mostrarán as zonas onde levarán a cabo e liquidarán calquera asunto ou dúbida que lles poida xurdir á hora de executar os seus traballos ambientais.
O Comité Científico, con José Antonio Díaz Núñez á fronte, comprobará persoalmente os obxectivos que se marcan os centros educativos neste curso 2010/2011 para que todos os proxectos ambientais que se realicen sexan, sobre todo, rigorosos e respectuosos coa contorna.