O Seprona xa está nos colexios
Os pequenos da Escola de Educación Infantil Barrionovo, en Arteixo (A Coruña), foron os primeiros en recibir a visita do Servizo de Protección da Natureza (Seprona) dentro do programa de charlas sobre prevención de incendios forestais que puxeron en marcha este curso Voz Natura e a Garda Civil.
O sarxento do Seprona responsable da actividade reuniuse cos pequenos de entre tres e cinco anos para falarlles sobre o labor da Garda Civil en materia ambiental, a importancia de coidar os montes e como previr os lumes forestais. O director do centro, Feliciano Montero, valorou positivamente a actividade para os pequenos e o esforzo por adaptar o tema a un público tan miúdo.
Para as próximas semanas, os axentes da Garda Civil teñen previstas outras charlas en colexios e institutos Voz Natura. Os centros que estean interesados en participar nesta actividade e aínda non o solicitaron, poden facelo AQUÍ.