As visitas do comité chegan a Lugo
Cada un dos 298 centros educativos e asociacións que este curso participan en Voz Natura recibirá a visita do comité científico do programa en dúas ocasións ao longo do curso. A primeira rolda destas visitas alcanza o seu ecuador esta semana, cando o comité desprazarase a Lugo, tras percorrer xa Ourense e practicamente toda a provincia de Pontevedra. As visitas serven ao comité para comprobar in situ o desenvolvemento dos traballos e aos coordinadores e alumnos para mostrar o seu labor e resolver dúbidas.
Segundo o portavoz do comité, José Antonio Díaz Núñez, «case todos os centros que visitamos xa incluíron nos seus proxectos actividades relacionadas co aforro enerxético, tema central do curso, xunto con outras actuacións directas no medio que xa realizaban. Ademais, algúns van máis aló e traballan sobre as fontes sostibles con maquetas grazas ás que os estudantes comprenden como funcionan as renovables. É o caso do CPI de Panxón, en Nigrán, que participa por primeira vez cun ambicioso proxecto».