Naturacción involucra este curso a 6.000 escolares lucenses
Son en total 39 centros educativos con 370 profesores implicados nesta iniciativa grazas á cal a educación ambiental forma parte do currículo académico de miles de estudantes. Os efectos dos seus traballos aprécianse xa en diversos puntos da xeografía lucense e, sobre todo na concienciación dos escolares. Os gañadores do premio provincia de Lugo do curso pasado, o equipo do CEIP San Cosme, de Barreiros, volveron esta edición con máis ganas se cabe. Continúan traballando no seu invernadoiro feito con botellas de plástico recicladas e no seu horto exterior. Este ano ademais realizarán dúas actividades relacionadas co patrimonio etnográfico máis emblemático de Galicia: o coñecemento e posta en valor dos castros, coa súa visita ao Castro de Fazouro con colaboración dun dos veciños do pobo que servirá de guía, e un tramo do Camiño de Santiago que pasa por Barreiros.
Outro exemplo destacado é o de catro centros de Viveiro - CEIP Antonio Pedrosa Latas, EEI San Roque, CEIP Santa Rita e CEIP de Covas- que este ano se uniron para a realización dun traballo monográfico que vira contorna á figura do Maio, a súa intención é recuperar esta tradición e todo o que significa. #FaiGaliciaVerde.