Voz Natura repasa os seus 20 anos de vida nunha xornada de educación ambiental
Coincidindo co Día Mundial da Educación Ambiental, que se celebrará o próximo 26 de xaneiro, Voz Natura celebrará unha xornada especial sobre este tema. A iniciativa vai dirixida aos profesores dos distintos centros educativos que se sumaron ao programa que desenvolve a Fundación Santiago Rey Fernández-Latorre, e ten como obxectivo pór en valor os vinte anos de vida deste proxecto de coidado da natureza, así como dos logros que conseguiu neste tempo recuperando distintas contornas en toda Galicia.
Con este encontro tamén se busca afianzar a comunidade que forman os docentes Voz Natura e trasladar o compromiso do programa ás aulas, para que os distintos grupos sociais adquiran unha maior sensibilización e concienciación sobre o coidado do medio ambiente.
A xornada de educación ambiental, que se celebrará nas instalacións do Museo Santiago Rey Fernández Latorre no polígono de Sabón, será inaugurada polo presidente do comité científico de Voz Natura, Ramón Núñez Centella, ao que seguirán varios docentes, que realizarán unha breve exposición dos seus proxectos e do seu desenvolvemento no ámbito educativo. Haberá relatorios sobre a responsabilidade e implicación do alumnado, a educación especial, a continuidade das accións, a motivación ou o efecto de arrastre ao resto da sociedade que teñen os proxectos que se inclúen neste programa ambiental. En breve, poderás consultar aquí o programa completo.
Ata o próximo 23 de xaneiro estará aberto o prazo de inscrición para poder participar nesta xornada de educación ambiental, á que poderán asistir os profesores de centros que participan en Voz Natura ou que o fixeron ao longo dos vinte anos de vida do programa. As prazas son limitadas ata completar o aforamento do Museo. ¡Apúntate xa no formulario de inscrición!
FORMULARIO DE INSCRICIÓN
XORNADA DE EDUCACIÓN MEDIOAMBIENTAL VOZ NATURA.
26 de xaneiro do 2017 (15'30 horas)
Lugar: Museo Santiago Rey Fernández-Latorre
La Voz de Galicia (Avda. da Prensa, 84-85. 15143 Arteixo. A Coruña)
Si desexas asistir, inscríbete a través deste formulario: