Posta a punto da Lagoa de Cospeito
Begano Coca-Cola e Voz Natura acompañados por un centenar de mozos limparon a lagoa de Cospeito.
Dentro das diferentes actividades que desenvolve o programa ambiental da Fundación Santiago Rey Fernández-Latorre, calquera nova proposta que teña como obxectivo fomentar o respecto polo coidado da contorna natural galego é sempre ben acollida polos participantes dos centros Voz Natura, que ademais, non dubidan en envorcarse con estas propostas ecolóxicas para convertelas nun éxito rotundo.
Isto foi o que ocorreu cando Begano Coca-Cola, un dos colaboradores do programa, propuxo unir as súas forzas ás de Voz Natura para levar a cabo a limpeza da lagoa de Cospeito. O CEIP Monseivane de Lanzón, colexio veterano de Voz Natura que leva participando co programa desde a súa primeira edición e o CPI Virxe do Monte de Cospeito, non dubidaron en unirse a esta actividade ambiental.
Provistos de luvas e bolsas para recoller as malas herbas, como auténticos profesionais, todo estaba listo para gozar dunha mañá de aprendizaxe, contacto coa natureza e por suposto diversión.
Na cita tamén quixeron estar presentes representantes da Consellería de Medio Ambiente e do Concello de Cospeito, que puxo a disposición da actividade a varios operarios que se adiantaban rozando as malas herbas para facilitar así, a tarefa aos máis pequenos.
Para iniciar os traballos dividiuse aos mozos en distintos grupos encabezados por persoal municipal que lles asesorou sobre o material que debían retirar e de que zonas. Ao final da xornada, recolléronse case 300 quilos de maleza que se depositaron na planta de compostaxe de Cospeito.
Os asistentes puideron gozar, ademais, da riqueza da flora e fauna da comarca e introducirse na historia da lagoa da man do responsable do centro de interpretación do humidal quen tamén lles invitou a visitar algún dos catro miradoiros da zona desde os que gozar da súa grandeza. Begano Coca-Cola quixo premiar o entusiasmo e compromiso dos centros asistentes regalándolles aos alumnos gorras e diversas bebidas para repor forzas.
Se o teu tamén queres gozar da natureza mentres axudas á súa conservación, úneche ás actividades de Voz Natura porque “as pequenas accións tamén contan”.