Máis de 150 profesores participarán nos cursos sobre blogs
Os docentes Voz Natura están decididos a crear a súa propia blogosfera. Para facelo, nada mellor que comezar formándose nas actividades homologadas que organizará o programa. Se aínda non o fixeches, aínda podes apuntarte nas listas de espera dos cursos que se organizarán en diversos puntos de Galicia ou no primeiro que se celebrará en Arteixo, onde quedan poucas prazas libres.
A convocatoria de cursos homologados sobre a creación de cadernos dixitais tivo un gran éxito entre os docentes Voz Natura. Tras pechar o prazo de preinscrición, máis de 150 mostraron o seu interese en participar nesta actividade que se desenvolverá fóra do horario lectivo para non interferir co traballo nos centros escolares.
A organización do programa está agora estudando todas as solicitudes para deseñar un calendario de cursos o máis cómodo posible para todos os interesados. Polo momento, está previsto un primeiro seminario que se realizará en Arteixo (máis información), onde quedan algunhas prazas libres.
Se es profesor nun centro Voz Natura e vas traballar co blog do proxecto do centro, aínda podes APUNTARTE NA LISTA DE ESPERA para os cursos que se celebrarán en diversos puntos da xeografía galega.