Obradoiros ambientais con Bricor
Dotar de contido ás conmemoracións ambientais e promover condutas responsables co medio son os obxectivos da inciativa que pon en marcha Voz Natura e a cadea de grandes superficies Bricor. Para iso, seleccionaron seis Días Mundiais -dedicados aos bosques autóctonos, ao non uso de praguicidas, á eficiencia enerxética, ás árbores, ao auga e á reciclaxe- para organizar ao redor deles diversos obradoiros.
A responsable de impartir os talleres, a enxeñeira forestal Silvia Sueiro, indica que se trata de dar unha visión científica explicando de forma didáctica ao público en xeral a importancia de cada Día». En cada obradoiro realizarase unha descrición do tema e ofreceranse exemplos de accións que, de forma individual, pódense levar a cabo para protexer o medio.
Así, na primeira actividade que se desenvolverá os días 23 e 26 de novembro con motivo da conmemoración do Día Mundial dos Bosques Autóctonos, os participantes poderán coñecer a diferenza entre unha especie autóctona, unha alóctona e unha invasora ou entre un bosque e unha repoboación e, tamén, aprender como sementar, plantar ou coidar unha árbore. Ao final dedicarase un tempo para resolver as dúbidas sobre a materia dos asistentes.
Os talleres realizaranse ao longo de dez xornadas repartirdas durante os próximos meses. En cada unha delas e para completar a conmemoración de cada efeméride, Bricor ofrecerá tamén descontos especiais nos produtos relacionados con cada celebración que se poderán consultar na propia tenda dedicada á bricolaxe, decoración, xardín e refofrmas.
As actividades están abertas a todo o público -os contidos adaptaranse ás idades dos participantes- e realizaranse na zona da entrada do establecemento de Bricor na Coruña, situado no centro comercial Marineda City. Son gratuítas pero con aforamento limitado polo que deben reservar a súa praza chamando ao 981 632 000.