Vixésima primeira edición (2017-2018)

A horta de Ana recibirá este curso o premio ao mellor blog da comunidade Voz Natura. O xurado do programa seleccionou o caderno digital do colexio Mariano de Vigo pola calidade das súas publicacións, a súa coidada estética, a súa organización «clara e limpa» e a gran cantidade de publicacións que realizan.Trátase dun blog no que recollen as actividades ambientais do aula e os proxectos desenvolvidos en todas as etapas educativas, desde infantil ata secundaria, o que evidencia a implicación de todo o centro co proxecto Voz Natura. Ademais, os traballos no horto escolar e as accións de reciclaje son unha constante nas publicacións, nas que tamén destacan iniciativas como as ecoideas ou a conmemoración de efemérides ambientais, aportando propostas, recursos e tamén actividades de desenvolvemento do pensamento crítico.

O xurado seleccionou ademais como finalistas deste curso o blog Exploramos cos sentidos, do Centro de Educación Especial Miño, e a bitácora da Escola de Educación Infantil San Roque, de Viveiro. O colexio Mariano recollerá o seu premio no transcurso da festa fin do curso do próximo 2 de xuño, na que tamén se entregarán os galardones aos mellores proxectos ambientais.